New Ghazal

By Raza Elahi

Un se koi ab guftuguu hi nahi
Bagh main pahle si rang-o-buu hi nahi

Ajeeb daa.era-vaar hai ye zindagi
Ke jeene ki ab justujuu hi nahi

Malka-e-husn hain vo aur ahl-e-Urdu bhi
Iss faqir ki achchi shaayad Urdu hi nahi

Ahd-e-tark-e-ishq koi unse seekhe
Bazm main mujhse vo ru-ba-ruu hi nahi

Khavbon main aane se bhi unhe gurez

Aur bahr-e-maatam khum-o-subuu hi nahi

(Daa.era-vaar = arranged in circles

Gurez = avoid, escape

Khum-o-subuu = glass & goblet)